Адрес
Телефоны компании
Интернет
Kür EAİ, OOO
“KÜR” Elektron Avadanlıqları İstehsalı müəssisəsi 2005-ci ildə Azərbaycan Respublikası Rabitə və İnformasiya Texnologiyaları Nazirliyinin-"Teleradio" İstehsalat Birliyi və “SİNAM” şirkəti tərəfindən Mingəçevir şəhərində yaradılmışdır. Müəssisə Cənubi Qafqaz və Mərkəzi Asiyada konveyer üsulu ilə kompüter istehsalı ilə məşğul olan ilk istehsalat müəssisəsidir. “KÜR” müəssisəsinin yaradılması zamanı istehsalat prosesinin təşkili və yeni yüksək texnoloji məhsulun bazara çıxarılması üzrə Avropa və Tayvan təcrübəsi yaxından öyrənilmişdir. Müəssisənin istehsal gücü sutkada 140 kompüterin yığımını həyata keçirməyə imkan verir. Müəssisədə hazır kompüterlərin testdən keçirilməsi üçün termik kamera quraşdırılmışdır. Bu termik kamerada bütün hazır məhsullar 24 saat ərzində testdən keçirilir. Hal-hazırda “KÜR” müəssisəsində “KÜR” və "Prestije" ticarət markaları altında kompüterlər yığılır. Regionda analoqu olmayan bu əməkdaşlıq “KÜR” müəssisəsində istehsalın tam dünya standartlarına uyğun olmasından xəbər verir. Məhz buna görə 2006-cı ildə “KÜR” istehsalat müəssisəsi İSO 9001:2000 Beynəlxalq Keyfiyyət Sertifikatına layiq görülmüşdür və bu günə kimi İSO Keyfiyyət Sertifikatını saxlaya bilib. Yaxın gələcəkdə “KÜR” müəssisəsində digər elektron avadanlıqların da buraxılması nəzərdə tutulmuşdur.Biz Azərbaycan üçün yaşayırıq və işləyirik. Biz öz Vətənimizi sevirik və onun gələcəyinə inanırıq. Biz inanırıq ki, onilliklər boyu Azərbaycanda müşahidə olunan elm və texnikanın inkişafı XXI əsrdə yeni mərhələyə qədəm qoymuşdur. Azərbaycan Respublikasında kompüter istehsal etməklə biz güman edirik ki, elm və texnikanın sonuncu onillik ərzində respublikamızda baş verən inkişafı gələcək üçün möhkəm özül qoymuşdur. Qloballaşma erasında informasiya texnologiyalarının xüsusi əhəmiyyət kəsb etməsi Respublikamızda da başa düşülür. Informasiya texnologiyaları sivilizasiya üçün gələcəyə ümidli qədəm qoymaq üçün ən effektiv vasitədir. Biz bunu başa düşürük ki, Azərbaycanın inkişafı naminə fəaliyyət göstərmək üçün səy göstərəməyə hazırıq. Məqsədimiz Azərbaycanda yaşayan hər bir vətəndaşa gələcəyin qapısını açmaq üçün etibarlı “açar” kompüter verməkdir. Məhz belə “açarın” olması hər bir Azərbaycan vətəndaşına yaxın onillliklər üçün ən zəngin sərvət olan biliklərə çıxış imkanı açacaqdır. Informasiya texnologiyalarının geniş tətbiqi Azərbaycana müasir sivilizasiya ilə birlikdə biliklərə əsaslanan iqtisadiyyata keçmə prosesi üçün geniş imkan yarada bilər. Əminik ki, dünya standartlarına uyğun məhsullarımız Azərbaycanda texnologiyalar sahəsində keyfiyyət sıçrayışı üçün real imkan yaratmışdır. İnanırıq ki, bizim başladığımız keyfiyyət sıçrayışı Azərbaycanda texnoloji sıçrayış üçün imkanlar yaradacaq və Azərbaycanı Trans Xəzər regionunda liderə çevrilməsində hərəkətverici faktorlardan biridir.